अक्षरांची लेणी - जोगवा गीत

मीठा-पीठाचा जोगवा । आणा गं बायांनो दरबारी ॥
मला बाई जायाचं सोमवारी लोणारच्या बाजारी ।
लोणारच्या बाजरी जाईन बेल फुलं घेईन ।
महादेवाला वाहिण । परत माघारी येईन ।
मीठा-पीठाचा जोगवा । आणा गं बायांनो दरबारी ॥
मला बाई जायाचं मंगळवारी । तळणीच्या बाजारी ।
तळणीच्या बाजारी जाईन । हिरवं पातळ घेईन ।
मरीमायेस वाहिन । मी परत माघारी येईन ।
मीठा-पीठचा जोगवा । आणा गं बायानो दरबारी ।
मला बाई जायाचं बुधवारी । दुध्याच्या बाजारी ।
दुध्याच्या बाजारी जाईन । हिरवा चुडा भरीन ।
मरीमायेस हात जोडीन । मी परत माघारी येईन ।