राज्यांमधील विधानमंडळांची रचना . १६८ .
( १ ) प्रत्येक राज्याकरता एक विधानमंडळ असेल आणि ते राज्यपाल , व ---
( क ) * * * बिहार , * * * [ मध्यप्रदेश ], * * * [ महाराष्ट्र ], [ कर्नाटक ]. * * *[ आणि उत्तरप्रदेश ] या राज्यांमध्ये , दोन सभागृहं ;
( ख ) अन्य राज्यांमध्ये , एक सभागृह ,
मिळून बनलेले असेल .
( २ ) जेथे राज्याच्या विधानमंडळाची दोन सभागृहे असतील तेथे . एक " विधानपरिषद " म्हणून आणि दुसरे " विधानसभा " म्हणून ओळखले जाईल , आणि जेथे केवळ एक सभागृह असेल तेथे , ते " विधानसभा " म्हणून ओळखले जाईल .
राज्यांमध्ये विधानपरिषद नाहीशी करणे किंवा निर्माण करणे . १६९ .
( १ ) अनुच्छेद १६८ मध्ये काहीही असले तरी . विधानपरिषद असलेल्या राज्यात अशी विधानपरिषद नाहीशी करण्याकरता अथवा अशी विधानपरिषद नसलेल्या राज्यात अशी विधानपरिषद निर्माण करण्याकरता , त्या राज्याच्या विधानसभेने सभागृहाच्या एकूण सदस्य - संख्येच्या बहुमताने आणि सभागृहातील उपस्थित असलेल्या व मतदान करणार्‍या सदस्यांच्या दोन - तृतीयांशाहून कमी नाही इतक्या बहुमताने तशा आशयाचा ठराव पारित केल्यास . संसदेस कायद्याद्वारे तरतूद करता येईल .
( २ ) खंड ( १ ) मध्ये निर्देशिलेल्या कोणत्याही कायद्यामध्ये त्या कायद्याच्या तरतुदींची अंमलबजावणी करण्यासाठी आवश्यक असतील अशा या संविधानाच्या सुधारणेच्या तरतुदी अंतर्भूत असतील आणि संसदेला आवश्यक वाटतील अशा पूरक . आनुषंगिक व परिणामस्वरुप तरतुदी अंतर्भूत असू शकतील .
( ३ ) अनुच्छेद ३६८ च्या प्रयोजनांकरता पूर्वोक्त्त असा कोणताही कायदा हा , या संविधानाची सुधारणा असल्याचे मानले जाणार नाही .