राम गणेश गडकरी - नवरात्राची रात्र संपली सण...

नवरात्राची रात्र संपली सण आला दसरा ॥
पडल्या प्रहरीं जनता सारी करी येरझारा ॥
सृष्टिदेवता उघडुनि रविचें मावळतें दार ॥
खुळें टाकितें हें सोनेरी संध्याभांडार ॥
तें दसर्‍याचें सोनें लुटणें कविचा अधिकार ॥
तयार झाला, पुढें निघाला; हौसच अनिवार ॥
शब्दांचा चढविला क्षणोक्षणिं फुलता पोशाख ॥
अहंपणाच्या मुर्दुमकीचे अलंक्रार लाख ॥
तुरा शिरावर डुलतो पवनीं तरल कल्पनांचा ॥