उत्तरभागः - अध्यायः ३८

सनत्कुमार उवाच ॥
गोसहस्रप्रदानं च वदामि श्रृणु सुव्रत ॥
गवां सहस्रमादाय सवत्सं सगुणं शुभम् ॥१॥

तास्त्वभ्यर्च्य यथाशास्त्रमष्टौ सम्यक्प्रत्नतः ॥
तासां श्रृंगाणि हेम्नाथ प्रतिनिष्केण बंधयेत् ॥२॥

खुरांश्च रजतेनैव बंदयेत्कंठदेसतः ॥
प्रतिनिष्केण कर्तव्यं कर्णे वज्रं च शोभनम् ॥३॥

शिवाय दद्याद्विप्रेभ्यो दक्षिणां च पृथक्पृथक् ॥
दशनिष्कं तदर्धं वा तस्यार्धार्धमथापि वा ॥४॥

यथाविभवविस्तारं निष्कमात्रमथापि वा ॥
वस्त्रयुग्मं च दातव्यं पृथग्विप्रेषु शोभनम् ॥५॥

गावश्चाराध्य यत्नेन दातव्याः सुमनोरमाः ॥
एवं दत्त्वा विधानेन शिवमभ्यर्च्य संकरम् ॥६॥

जपेदग्रे यथान्यायं गवां स्तवमनुत्तमम् ॥
गावो ममाग्रतो नित्यं गावो नः पृष्ठतस्तथा ॥७॥

हृदये मे सदा गावं मध्ये वसाम्यहम् ॥
इति कृत्वा द्विजाग्र्येभ्योदत्त्वा गत्वा प्रदक्षिणम् ॥८॥

तद्रोमवर्षसंख्यानि स्वर्गलोके महीयते ॥९॥

इति श्रीलिंगमहापुराणे उत्तरभागे गोसहस्रप्रदानं नामाष्टत्रिंशोऽध्यायः ॥३८॥