सौम्यासौम्येष्व् एतल् लग्नाद्स्थेषु यत् फलं प्रोक्तम् ।
तत्समकालगतानां फलवैषम्याद् अनेकान्तम् ॥
होराविदो जगुर् इदं सुताव् अबलो दशाधिपारिश् च ।
अशुभफलदश् चासाम्प्रतम् उदये सौम्यो ऽपि नेष्टफलः ॥
साम्प्रतं शुभदः सुतौ बलन्वितो यो दशाधि (प )मित्रं च ।
पापो ऽपिशुभफलः स्याच् छलोकः शास्त्रोदितश् चात्र ॥
सौम्यो ऽप्य् अतीवचिरभाविफलो न योज्यः
पापो ऽप्य् असाम्प्रतफलो रिपुनिर्जितश् च ।
पाकाधिपो ऽऽत्मसदनाष्टकवर्गशुद्धः
अवल्पो ऽफलश् च दिनभांशविधिस् तथा स्यात् ॥
सौम्यं दशाधिपं लग्नसंस्थमिच्छन्ति केचिद् आचार्याः ।
पापां चोपचयस्थं न विलग्ने तत्र च श्लोकौ ॥
सौम्यग्रहेषु लग्नेषु शुभम् एकान्तनिश्चितम् ।
पपग्रहोदये यातुर् असंशयम् अशोभनम् ॥
तस्मात् क्रूरं दशानाथं यातुर् वीर्यगुणान्वितम् ।
कुर्याद् उपचयर्क्षेषु न विलग्ने कथंचन ॥
तच् च विरुद्धं तेषां कथम् अन्यदशासु दास्यते स्वफलम् ।
एवं फलस्य नाशो व्रजति सर्वस्य फललि (ली )प्सोः ॥
तस्मान् नैकान्तो ऽयं जातकम् अवलोक्य निर्दिशेत् सदसत् ।
श्लोकौ वृत्तं भेदं प्राह मणित्थो वसिष्ठश् च ॥
रक्षका वर्धकाश् चैव ये स्युर् जन्मनि नायकाः ।
तान् पापान् अपि निःशङ्को यात्रालग्नेषु योजयेत् ॥
शुभाशुभफला योगा जातके ये ऽप्य् उदाहृताः ।
तान् सर्वान् अवलोक्यैव प्रयाणेष्व् अपि योजयेत् ॥
होरागतः स्वभवने यदि सूर्यपुत्रो मेषोपगो ऽवनिसुतः स्वगृहे शशाङ्कः ।
शुक्रस् तुलाधरगतो मिथुने बुधश् च सिंहे रविर् यदि च पार्थिवजन्म विद्यात् ॥
जन्मसमये शशाङ्कोदयोपचयसंस्थिता ग्रहाः केचित् ।
ते सर्वे नानाख्या क्रूराः सौम्यैः समाश्चिन्त्याः ॥
यो यस्य दशमगृहगः स तस्य वश्यस् तु भवति नियमेन ।
यश् चाथ पणफरस्थः स भवति रक्षोपगस् तद्वत् ॥
उपचयगृहोपयाताः प्रस्परं कीर्तित्स् तु तानसमाः ।
आदौ प्रकीर्णकाध्याये चोदिताः कारकाश् च ॥
जन्मेश्वरलग्नपयोर् यः शत्रुर् लग्नगः स सौम्यो ऽपि ।
कुरुते देहविपत्तिं क्रूरो ऽपि शुभं तयोर् मित्रम् ॥
भवेन् न यः कारकतानसंज्ञः स्वजन्मलग्नाधिपयोः शुभो ऽपि ।
करोति लग्नोपगतः स यातुर् भयं विनाशं च बहुप्रकारम् ॥
पपो ऽपे लग्नोपगतो नराणां शुभप्रदः कारकतानसंज्ञः ।
तस्मात् प्रय्त्नाद् इद्म् एव चिन्त्यं यियासतां कारकतानयातम् ॥
एको ऽपि वक्रोपगतो नराणां शुभो ऽशुभो वापि चतुष्टयस्थः ।
वर्गो ऽपि वास्योदयगो विनाशं बहुप्रकारं कुरुते ऽध्वगानाम् ॥
स्वसुतस्थाने सूर्यः स्त्रीजनरत्नप्रमोददो लग्ने ।
अवशेषस्थानगतो वधबन्धोद्वेगदः क्षिप्रम् ॥
उडुपतिर् उदयं प्राप्तः सर्वस्थानोपगः प्रयातृणाम् ।
कुरुते रिपुप्रवृद्धिं दीप्तिविनाशं विघातं च ॥
स्थाने ऽर्कसुतस्य कुजो लग्नस्थो रिपुविनाशजयदाता ।
शेषस्थानोपगतः क्षितिसुतो रत्नार्थनाशकरः ॥
रविशशिभौमस्थानेष्व् अनर्थदो लग्नगः शशाङ्कसुतः ।
भृगुसुतगुरुमन्दानाम् अभिषेकजयार्थदीप्तिकरः ॥
जीवो भृगुचन्द्रमसोः स्थाने धनयोधनाशकः प्रोक्तः ।
तत्परिशेषस्थानेष्व् अवनिसुहृद्वित्तंजयदाता ॥
सौम्यस्थाने शुक्रो बलहानिकरो ऽर्थदो ऽरिहन्ता च ।
स्थाने परिशेषाणाम् अनिलज्वरशत्रुकोपकरः ॥
अर्कस्थाने मन्दो लग्नस्थः प्रीतिसौख्यलाभकरः ।
नेष्टो ऽन्यस्थानस्थः प्रतापबलमानहानिकरः ॥
सवितृतनयः स्वस्थानस्थो धनाङ्गविनाशकृत्
तुहिमकिरणः स्त्रीरत्नाप्तिं नरेश्वरतां रविः ।
अवनितनयः सैन्यक्षोभं प्रियश्रवणं बुधः
सुरगुरुरथो भोगप्राप्तिं करोति जयं सितः ॥
यो ऽस्तं यात्य् उदयं वा दक्षिणमार्गस्थितः सहस्त्रांशोः ।
कुरुते ग्रहः सलग्ने योधधनाङ्गक्षयं यातुः ॥
तिग्मकरस्योत्तरतो दर्शनम् आयाति यो ग्रहो ऽस्तं वा ।
मध्ये तु वा स लग्ने यातुः कुसुमाम्बराशनदः ॥
नियतगतिद्युतिवर्णप्रमाणवैकृत्यम् उच्यते विकृतिः ।
विकृतिस्थो गल्नगतो न शुभः शुभदः स्वभवनस्थः ॥
याम्ये तमो ज्ञः श्रवणे रविस् तु जातो विशाखासु सितश् च पुष्ये ।
पौष्णप्यभाग्योरगकृत्तिकासु मन्दारवागीशशिरवीन्दुजन्मा ॥
त्रिविधोत्पाताभिहतं बलवद् ग्रहपीडितं च यस्यर्क्षं ।
यात्रायां लग्नगतः स वर्जनीयो ऽनुकूलो ऽपि ॥
पाकेश्वराधिमित्रे तद्वर्गे वा विलग्नगे यातुः ।
स्वयम् अरिर् उपैति वश्यं प्रणतशिराः सार्वभौमो ऽपि ॥
पकेश्वरारिलग्ने वर्गे वा तस्य भूपतिर् गच्छन् ।
विनिहतशूरनराश्वः शत्रोर् आयाति वश्यत्वम् ।
मूर्त्यर्थयोधवाहनमन्त्र्यरिमार्गनैधनमनांसि ।
कर्मागमव्ययाश्चोदयादयः कीर्तिता भावाः ॥
यात्राफलं चतुर्थे जामित्रे शत्रवः प्रमादश् च ।
शुभपापग्रहयोगाच् छुभाशुभं निर्दिशेद् एषाम् ॥
सत्याचार्यस्य मते विबलः शस्तः शशी प्रयाणेषु ।
दिग्वीर्योनः केवलम् इन्दुः शस्त इति जगुर् अन्ये ॥
यद् एव यस्योदयसंस्थितस्य फलं प्रयाणे सदसत् प्रदिष्टम् ।
तद् एव तस्याखिलम् अह्नि यातुर् ग्रहस्य वर्गे च विलग्नसंस्थे ॥