ताराभेदा अथोच्यन्ते शीघ्रं सिद्धिप्रदायिनः ।
ब्रह्योपासितताराविद्याकथनम्
वहिनवामाक्षिबिन्दृढ्या कामिका भुवनेश्वरी ॥१॥
भुवनेशी वर्मरुद्धाफडन्ता प्रणवादिका ।
सप्ताक्षरीमहाविद्या विरिञ्चिसमुपासिता ॥२॥
विष्णूपासिततारविद्याकथनम्
वाक्शक्तिः कमलाकामो हंसोऽनुग्रहसर्गवान् ।
वर्मोग्रतारे वर्मास्त्रं विष्ण्वर्चा द्वादशाक्षरी ॥३॥
विष्णूपासितद्वितीयताराविद्याकथनम्
तारवर्मशिवाकामो मनुसर्गयुतो भृगुः ।
वर्मास्त्रमेषा सप्तार्णा सिद्धिदा विष्णुसेविता ॥४॥
चतुर्मुखोपासितविद्याद्वयकथनम्
एतयोः पञ्चमे बीजे सकारो हादिरान्तिमः ।
तदा विद्याद्वयं प्रोक्तं चतुर्मुखसमर्चितम् ॥५॥
एकजटाविद्याद्वयम्
तारो माया वर्म माया वर्मास्त्रं च रसाक्षरी ।
हरिरग्नित्रिमूर्तीग्दुयुग् वर्मपुटिताद्रिजा ॥६॥
अस्त्रान्ता पञ्चवर्णोऽयं प्रोक्तेमेकजटाद्वयम् ।
नारायणीया ताराविद्या
रेफशान्तीन्दुयुङणान्तो वर्मास्त्रं कामवाग्भवम् ॥७॥
नारायणोपासितेयं पञ्चार्णा सर्वसिद्धिदा ।
उक्तानामष्टविद्यानामृष्यादिकथनम्
अमूषामष्टविद्यानामृषिः शक्तिर्वसिष्ठजः ॥८॥
गायत्रीतारके छन्दोदेवते परिकीर्तिते ।
न्यासं तु पूर्ववत् कृत्वा ध्यायेत्तारां हृदम्बुजे ॥९॥
ध्यानवर्णनम्
श्वेताम्बरां शारदचन्द्रकान्तिं सद्भूषणां चन्द्रकलावतंसाम् ।
कर्त्रींकपालान्वितपाणिपदमां तारां त्रिनेत्राम प्रभजेऽखिलद्धर्यै ॥१०॥
जपपूजादिकं सर्वमासां पूर्ववदाचरेत् ।
प्रयोगवर्णनम्
मधुयुक्परमान्नेन होमाद्विद्यानिधिर्भवेत ॥११॥
रक्तां वश्ये स्वर्णवर्णां स्तम्भने मारणे सिताम ।
उच्चाटने धूम्रवर्णां शान्तौ श्वेताम स्मरेदिमाम् ॥१२॥
भूरिणा किमिहोक्तेन विद्या एताः प्रसाधिताः ।
पूरयन्त्याखिलं नृणां मनोरथमिह ध्रुवम् ॥१३॥
एकजटामन्त्रः
मायाहृद्भगवत्येकजटे मम जलं स्थिरा ।
वहनयासनगता पुष्पं प्रतीच्छानलवल्लभा ॥१४॥
द्वाविंशत्यक्षरो मन्त्रस्तारादिः सर्वसिद्धिदः ।
ऋषिः पतञ्जलिश्छन्दो गायत्र्येकजटा पुनः ॥१५॥
देवता दीर्घषट्काढ्यमायया स्यात् षड्ङुकम् ।
ध्यानार्चनप्रयोगांस्तु कुर्यात् पूर्वोक्तमन्त्रवत् ॥१६॥
नीलसरस्वतीमन्त्रः
रमां माया हसौ व्यापिन्यारुढौ सर्गसंयुतौ ।
वर्मास्त्रं नीलभृगुरस्वत्यैठद्वयमीरितम् ॥१७॥
प्रणवाद्यो मनुः सर्वसिद्धिदो मनुवर्णकः ।
ऋष्याद्या ब्रह्मगायत्री तथा नीलसरस्वती ॥१८॥
नेत्रचन्द्रेनेत्राङुत्रार्णैरङुकल्पना ।
मन्त्रोत्थितैरथा ध्यायेद् देवीं सर्वेष्टसिद्धिदाम् ॥१९॥
घण्टाशिरः शूलमसिं करग्रैः सम्बिभ्रतीं चन्द्रकलावतंसाम् ।
प्रमथ्नंती पादतले पशुं तां भजे मुदा नीलसरस्वतीशाम् ॥२०॥
जपपूजादिकं सर्वमस्याः पूर्ववदीरितम् ।
विशेषाज्जयदा वादे विद्येयं साधिता नृणाम् ॥२१॥
नीलसरस्वत्या अपरो मन्त्रः
माया सानन्तसंयुक्ता वर्महृन्ङेयुता पुनः ।
तारामहापदाद्या सा भृगुब्रह्मनलन्तिमः ॥२२॥
दुस्तरांस्तारद्वन्द्व तरयुग्मं च ठद्वयम् ।
द्वात्रिंशदर्णा ताराद्या पूजास्याः पूर्ववन्मताः ॥२३॥
विद्याराज्ञीमन्त्रः
विद्याराज्ञीमथो वक्ष्ये सुरेन्द्रस्यापि दुर्लभाम् ।
लब्ध्वा यां मानवाः स्वेष्ट साधयन्त्यर्चने रताः ॥२४॥
वाङ्माया श्रीर्मनोजन्माहंसोऽनुग्रह बिन्दुयुक् ।
कामः शक्तिश्च वाग्बीजं फान्तोलार्घीशबिन्दुयुक् ॥२५॥
स्त्रीबीजं नीलतारेस्यात्संबुद्धयन्ता सरस्वती ।
अत्रीसरेफौ क्रमतः शेषवामाक्षिरसंयुतौ ॥२६॥
सानुस्वारौ कामबीजं फान्तो मांसार्घिबिन्दुगः ।
सर्गीभृगुर्वागहृल्लेखारमाकामोऽथ सौ द्वयम् ॥२७॥
सर्गान्त भुवनेशानी स्वाहा द्वात्रिंशदक्षरी ।
महाविद्या हि सा ख्याता सेविता भोगमोक्षदा ॥२८॥
ब्रह्मानुष्टुप्सरस्वत्यो मुन्याद्या अङुकल्पना ।
पञ्चपञ्चाष्टपञ्चेषु युगार्णैर्मन्त्रसम्भवैः ॥२९॥
ध्यानवर्णनम्
शवासनां सर्पविभूषणाढ्यां कर्त्री कपालं चषकं त्रिशूलम् ।
करैर्दधानां नरमुण्डमालां त्र्यक्षा भजे नीलासरस्वती ताम् ॥३०॥
प्रयोगवर्णनम्
चतुर्लक्षं जपेद् विद्यां किंशुकैर्मधुरान्वितैः ।
दशांशं जुहुयाद् वहनौ श्रद्धापूर्वमतन्द्रितः ॥३१॥
पूर्वोक्ते पूजयेत् पीठे वक्ष्यमाणेन वर्त्मनो ।
आदौ त्रिकोणं षट्कोणमष्टषोडशपत्रके ॥३२॥
द्वात्रिंशत् पत्रमब्ज स्याच्चतुष्षष्टिदलं ततः ।
त्रिरेखाढ्यं धरागेहं चतुरस्रमतः परम् ॥३३॥
एवं यन्त्रं समालिख्य बाह्यतः पूजनं चरेत् ।
आवरणपूजाकथनम्
चतुरस्रस्याग्निकोणे विघ्नेशं परिपूजयेत् ॥३४॥
वायुकोणे क्षेत्रपालमैशान्ये भैरवं तथा ।
नैऋते योगिनीः सर्वा वामभागे गुरुं यजेत् ॥३५॥
अष्टसिद्धिकथनम्
भूगृहस्याद्यरेखायामणिमालघिमा तथा ।
महिमा चेशिता पूज्या वशिता कामपूरणी ॥३६॥
गरिमा प्राप्तिरित्येताः पूज्याः पूर्वादिदिक् क्रमात् ।
अष्टभैरवकथनम्
धरागृहस्य रेखायां द्वितीयायां तु भैरवाः ॥३७॥
असिताङो रुरुश्चण्डः क्रोधोन्मत्तकपालिनः ।
भीषणश्चाथ संहार एतेष्टौ भैरवाः स्मृताः ॥३८॥
सप्तमातृकाकथनम्
भूमिगेहे तृतीयायां रेखायां मातरः पुनः ।
ब्राह्मी माहेश्वरी चैव कौमारीवैष्णवी तथा ॥३९॥
वारहीन्द्राणिका चैव चामुण्डा सप्तमी स्मृता ।
महालक्ष्मीस्तथेज्यास्ताः पूर्वादिषु यथाक्रमम् ॥४०॥
इत्थमाद्यावृतिं चेष्टवा योनिमुद्रां प्रदर्शयेत् ।
चतुःषष्टिशक्तिकथनम्
चतुःषष्टिदले पद्मे शक्तिरर्चेच्च तावतीः ॥४१॥
कुलेशी कुलनन्दा च वागीशी भैरवी तथा ।
उमा श्रीः शान्तया चण्डा धूम्रा काली करालिनी ॥४२॥
महालक्ष्मीश्च कङ्काली रुद्रकाली सरस्वती ।
वाग्वादिनी च नकुली भद्रकाली शशिप्रभा ॥४३॥
प्रत्यङिरा सिद्धलक्ष्मीरमृतेशी च चण्डिका ।
खेचरी भूचरी सिद्धा कामाक्षी हिङुला बला ॥४४॥
जया च विजया चाप्यजिता नित्यापराजिता ।
विलासिनी तथा घोरा चित्रा मुग्धा धनेश्वरी ॥४५॥
सोमेश्वरी महाचण्डा विद्या हंसी विनायिका ।
वेदगर्भा तथा भीमा उग्रा वैद्या च सद्गतिः ॥४६॥
उग्रेश्वरी चन्द्रगर्भा ज्योत्स्ना सत्या यशोवती ।
कुलिका कामिनी काम्या ज्ञानवत्यथ डाकिनी ॥४७॥
राकिनी लाकिनी चाथ काकिनी शाकिनीत्यपि ।
हाकिनीति चतुःषिष्टिशक्तयः सिद्धिदायिकाः ॥४८॥
दर्शयेत् खेचरीमुद्रा द्वितीयावरणेर्चिते ।
द्वात्रिंशच्छक्तिकथनं पूजाविधिश्च
द्वात्रिंशत् पत्रमध्ये तु पूज्या एतास्तु शक्तयः ॥४९॥
किराता योगिनी वीरा वेताला यक्षिणी हरा ।
ऊर्ध्वकेशी च मातङी मोहिनी वंशवर्द्धिनी ॥५०॥
मालिनी ललिता दूती मनोजा पदिमनी धरा ।
वर्वरी छत्रहस्ता च रक्तनेत्रा विचर्चिका ॥५१॥
मातृकादूरदर्शी च क्षेत्रेशी रङिनी नटी ।
शान्तिर्दीप्ता वज्रहस्ता धूम्रा श्वेता सुमङुला ॥५२॥
इष्टवा तृतीयावरणं बीजमुद्रां प्रदर्शयेत् ।
षोडशशक्तिपूजनम्
ततः षोडशपत्रेषु पूज्याः षोडशशक्तयः ॥५३॥
मुग्धा श्रीः कुरुकुल्ला च त्रिपुरा तोतला क्रिया ।
रतिः प्रीतिस्तथा बाला सुमुखी श्यामलाविला ॥५४॥
पिशाची च विदारी च शीतला वज्रयोगिनी ।
सर्वेश्वरीति सम्पूज्य सृणिमुद्रां प्रदर्शयेत् ॥५५॥
अष्टसरस्वतीपूजनं मन्त्राश्च
अष्टपत्रे स्वस्वमन्त्रैर्यजेदष्टसरस्वतीः ।
तारो हृल्लोहितः सत्यो वैकुण्ठानन्तसंयुताः ॥५६॥
भृगुर्नशब्दरुपे वाङ्मायाकामो वदद्वयम् ।
वाग्वादिन्यग्निकान्तेति मन्त्रो वेदाक्षिवर्णवान् ॥५७॥
अनेन मनुना पूर्वपत्रे वागीश्वरीं यजेत् ।
वराहहंसचक्रीन्द्रसंयुता भुवनेश्वरी ॥५८॥
वदयुग्मं च चित्रेश्वरि वाग्बीजानलप्रिया ।
द्वादशार्णेन मनुना वहनौ चित्रेश्वरी यजेत् ॥५९॥
वाग्बीजं कुलजे वाक् च सरस्वत्यनलाङुना ।
एकादशार्णमनुना कुलजां दक्षिणेर्चयेत् ॥६०॥
वाङ्माया श्रीं वदद्वन्द्वं कीर्तीश्वरि वसुप्रिया ।
त्रयोदशार्णेन यजेन्नैऋत्ये कीर्तिनायिका ॥६१॥
वाङ्माया चान्तरिक्षान्ते सरस्वति च ठद्वयम् ।
रव्यर्णेन यजेत् प्रत्यगन्तरिक्षसरस्वतीम् ॥६२॥
वराहहंसचण्डीशजनार्दनकृशानुयुक् ।
सेन्दुर्योनिश्च लकुलीभृगुवहनीन्दुयुङ् मनुः ॥६३॥
अरुणाभृगुशिख्यग्निसंयुता शान्तिरिन्दुयुक् ।
वाङ्माया श्रीषु बीजानि घ्रीं घटान्ते सरस्वतीम् ॥६४॥
घटेवदतद्वन्द्वं रुद्राज्ञा टायुता मम ।
अभिलाषं कुरु द्वन्द्वं प्रेयसीकृष्णवर्त्मनः ॥६५॥
गुणवेदार्णेन यजेद्वायौ घटसरस्वतीम् ।
नीलामन्त्रकथनम्
भूधरेन्द्रयुतोर्घीशो बिन्द्वाढ्यो वें वदद्वयम् ॥६६॥
त्री हुँ फट् नवार्णेन नीलामर्चेदुदग्दिशि ।
वाग्बीजमधराक्रान्तो नकुलीबिन्दुमान् पुनः ॥६७॥
शान्तिचन्द्राढ्यमाकाशं किणिद्वन्द्वं सदृग्जलम् ।
कूर्मद्वन्द्वं भगाक्रान्तं नवार्णेनामुना यजेत् ॥६८॥
मन्त्रेणेशानदिग्भागे किणिसंज्ञा सरस्वतीम् ।
पञ्चमावृत्तिमाराध्य क्षोभमुद्रां प्रदर्शयेत् ॥६९॥
डाकिन्यादिषण्णां पूजनम्
डाकिन्याद्याः पूर्वमुक्ताः षट्कोणे षट् प्रपूजयेत् ।
दर्शयेद् द्राविणीं मुद्रां षष्ठावरणपूजने ॥७०॥
परादि - तिसृणां पूजनम्
परबालाभैरवीति पूजनीयास्त्रिकोणके ।
सप्तमावृतिपूजायां मुद्रां कुर्याच्चकर्षिणीम् ॥७१॥
इत्थं सम्पूज्य तारेशीं मनोभीष्टमवाप्नुयात् ।
गणेशक्षेत्रपालाभ्यां योगिन्यै भैरवाय च ॥७२॥
तारायै चापि वितरेद् बलिं नित्यं चतुष्पथे ।
मांसमाषान्नशकाज्यपायसापूपकादिकम् ॥७३॥
बलिद्रव्यं समाख्यातं तेनेष्टं सा प्रयच्छति ।
तस्या ध्यानं त्रिधा वच्मि सत्त्वादिगुणभेदतः ॥७४॥
सत्त्विकध्यावर्णनम्
श्वेताम्बराढ्यां हंसस्था मुक्ताभरणभूषिताम् ।
चतुर्वक्त्रामष्टभुजैर्दधानां कुण्डिकाम्बुजे ॥७५॥
वराभये पाशशक्ति अक्षस्रक्पुष्पमालिके ।
शब्दपाथोनिधौ ध्यायेत् सृष्टिध्यानमुदीरितम् ॥७६॥
राजसध्यानवर्णनम्
रक्ताम्बरां रक्तसिंहासनस्थां हेमभूषिताम् ।
एकवक्त्रां वेदसंख्यैर्भुजैः संबिभ्रतीं क्रमात् ॥७७॥
अक्षमालां पानपात्रमभयं वरमुत्तमम् ।
श्वेतद्वीपस्थितां ध्यायेत् स्थितिध्यानमिदं स्मृतम् ॥७८॥
तामसध्याकथनम्
कृष्णाम्बराढ्यां नौसंस्थामस्थ्याभरणभूषिताम् ।
नववक्त्रां भुजैरष्टादशभिर्दधतीं वरम् ॥७९॥
अभयं परशुं दर्वीं खङु पाशुपतं हलम् ।
भिण्डी शूलं च मुसलं कर्त्री शक्तिं त्रिशीर्षकम् ॥८०॥
संहारास्त्रं वज्रपाशौ खट्वाङं गदया सह ।
रक्ताम्भोधौ स्थितां ध्यायेत्संहारध्यानमीदृशम् ॥८१॥
कर्मसु क्रूरसौम्येषु ध्यायेन्मन्त्री यथातथा ।
एवंसिद्धे मनोमन्त्रीगिरावाचस्पतिर्भवेत् ॥८२॥
दूर्वोत्थया तु लेखन्या रोचनारसयुक्तया ।
बालस्याच्छिन्ननालस्य जिहवायां विलिखेन्मनुम् ॥८३॥
संप्राप्ते चाष्टमे वर्षे सर्वशास्त्रज्ञतमियात् ।
मन्त्रेणायुतसंजप्तां वचां बालस्य कण्ठतः ॥८४॥
बध्नीयात् पूर्वसम्प्रोक्तं बलिं दत्त्वा विधानतः ।
द्वादशे वत्सरे प्राप्ते भक्षिता सा कवित्वकृत् ॥८५॥
ज्योतिष्मती भवं तैलं कर्षमात्रं सुमन्त्रितम् ।
उपरागे जलस्थो योऽश्नीयाद्वाचस्पतिर्भवेत् ॥८६॥
चतुष्पथे श्मशाने वा हित्वा लज्जाभयं तथा ।
जपेच्छवं समारुह्य विद्यातत्परमानसः ॥८७॥
श्रृणोत्यसावमुं शब्दं निशीथे जपतत्परः ।
प ., गो भव विद्यानां सर्वां सिद्धिमाप्नुहि ॥८८॥
विद्वत्कुलसमुद्भूतमष्टवर्षं शिशुद्वयम् ।
उपवेश्य तयोर्मूर्ध्नि करौ दत्त्वा जपेन्मनुम् ॥८९॥
वेदान्तन्यायसंयुक्त्या विवदेते उभावपि ।
यः कौतुकी स आश्चर्य विद्यायाः पश्यतु ध्रुवम् ॥९०॥
विधाय वेदिकां रम्यां विजने कदलीवने ।
तत्रासीनो जपेद्विद्यामर्कलक्षं विधानतः ॥९१॥
दासीचालितदोलायामारुढां सुस्मिताननाम् ।
पुन्नागचम्पकाशोकरम्भाविपिनसंस्थिताम् ॥९२॥
एवं ध्यायन्भगवतीं बलिं दद्याज्जपान्ततः ।
अस्य मन्त्रस्य नानाफलकथनम्
एवं कुर्वन्नरः सर्वमभीष्टं लभते चिरात् ॥९३॥
निर्वासाविशिखः प्रेतभूमिस्थो यो जपेन्मनुम् ।
अयुतं कृष्णभूताहे स वाक्सिद्धिमवाप्नुयात् ॥९४॥
विद्यां सौख्यं धनं पुष्टिमायुः किर्तिं बलं स्त्रियः ।
रुपं कामयमानेन तारासेव्या निरन्तरम् ॥९५॥
॥ इति श्रीमन्महीधरविरचिते मन्त्रमहोदधौ कालीमन्त्रकथनं नाम पञ्चमस्त रङ्गः ॥५॥
॥ इति श्रीमन्महीधरविरचितायां मन्त्रमहोदधिव्याख्यायां नौकायां कालीमन्त्रकथनं नाम पञ्चमस्त रङ्गः ॥५॥