TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

चतुष्षष्टितमः पटलः - मन्त्रसंग्रह ४

कण्ठभेदविज्ञानविन्यासः


मन्त्रसंग्रह ४
रिपुविद्वेषण
स भवेद्रिपुविद्वेषी योगाभ्यासी स्वयं भवेत् ।
अन्यमन्त्रं प्रवक्ष्यामि सावधानोऽवधारय ॥२०५॥

अघोरमन्त्रपुटितं साकिनीनिजमन्त्रकम् ।
तदन्ते कामराजं तु रिपुं मे योगविघ्नदम् ॥२०६॥

दारयद्वयमुच्चार्य विद्वेषयद्वयं वदेत् ।
परपक्षं छेदयति कालजालं हरद्वयम् ॥२०७॥

स्वाहान्तमन्त्रमुच्चार्य जपेत् कण्ठधिदेवताम् ।
स भवेद्रिपुविद्वेषी योगविघ्नादिविघ्नह्रत् ॥२०८॥

मङुलोदयमावक्ष्ये येन योगी भवेन्नरः ।
रात्रिशेषे समुत्थाय जपेन्मध्यन्दिवधि ॥२०९॥

योगध्यानं सर्वदैव कण्ठपद्मे स्थिरो भवेत् ।
मङुलोदयमाप्नोति चिरजीवी भवेद् ध्रुवम् ॥२१०॥

मंगलोदयः
विस्मयाहलादमावक्ष्ये यत्कृत्वा योगिनीपतिः ।
स्वीकृत्य च कुलं द्रव्यं परानन्दमयो भवन् ॥२११॥

ध्यानद्विलयमाप्नोति तस्य नाशः कुतः प्रभो ।
क्रमेण परतां याति क्रयविक्रयवर्जितः ॥२१२॥

तस्मिन् प्रलयमापन्ने कुतो देहः कुतो मृतिः ।
तस्यैव सर्वदा पूजा बाह्यपूजा निरर्थिका ॥२१३॥

एतस्मिन् प्रलये याते कुतः सृष्टिस्थितिर्भवेत् ।
सृष्टिस्थितिमयो भूत्वा विलयं याति निश्चितम् ॥२१४॥

विस्मयाहलाद
कालसाधनमावक्ष्ये यथा कुण्डलिनीपदम् ।
यदा समरमानन्दः सानन्दचेतसान्वितः ॥२१५॥

तदैव फलदं कालं तस्मिन् काले च साधयेत् ।
साधनादेव सिद्धिः स्यात् तत्कालसाधनञ्चरेत् ॥२१६॥

कालसाधन
श्रृणु नाथ नवीनत्वं येन याति नरोत्तमः ।
प्रातःकाल समारभ्य यावद्दण्डचतुष्टयम् ॥२१७॥

शौचं स्नानादिकं कृत्वा चासनाभ्यासमाश्रयेत् ।
ततो योगधारणाञ्च ततः पूजादिकं प्रभो ॥२१८॥

ततो जपादिकं कृत्वा प्राणायामं समाचरेत् ।
षट्‌षोडशद्वादशं तु कुण्डलीवायुधारणम् ॥२१९॥

ततो न्यासं स्तोत्रपाठं कवचं नाममङुलम् ।
पठित्वा देवतां ह्रद्ये पुनरानीय यत्नतः ॥२२०॥

चरणोदकपानं तु पञ्चासवनिषेवणम् ।
दुग्धपानं ततः पश्चात् सन्ध्यावधि विधानतः ॥२२१॥

रात्रौ ध्यानं सदा कृत्वा समाधिं क्रमतो लभेत् ।
एवं क्रमेण देवेश नवीनत्वं समाप्नुयात् ॥२२२॥

ध्यानकथनम्
मम ध्यानं प्रवक्ष्यामि सावधानोऽवधारय ।
अनाश्रय सदा ध्यायेदानन्दप्रणयादिभिः ॥२२३॥

Translation - भाषांतर
N/A

References : N/A
Last Updated : 2011-04-30T05:22:11.4100000

Comments | अभिप्राय

Comments written here will be public after appropriate moderation.
Like us on Facebook to send us a private message.

multiplexing

  • न. बहुपथन 
  • न. बहुसंदेशवहन 
RANDOM WORD

Did you know?

श्रीयंत्रातील चक्र आणि त्रिकोण कशाचे प्रतिक आहेत?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site