TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्री स्वामी समर्थ|विविधविषयपर अभंग|
पाळणा

देवताविषयक पदे - पाळणा

श्री समर्थांनी दासबोध ग्रंथासोबतच गाथा आणि भारुडे रचून इतिहास घडविला आहे.


पाळणा
१०७८.
( राग-कल्याण; ताल-धुमाळी )
सुंदर रामाबाई । सभराभरीत सर्वां ठायी वो ॥
निगमां पार नाही । ते म्यां वर्णावी ते काईं वो ॥ध्रु०॥
शरयूतीरवासिनी । वेधव मुनिमानसमोहिनी वो ॥
सुरवरसंजीवनी । कैसी शोभत पद्मासनी वो ॥
उदार एकवचनी । दुर्मिळ तपसंतपसाधनी वो ॥
दशरथ नृपनंदनी । प्रगटे ऋषिवचनालागुनी वो ॥१॥
निजमस्तकी वीरगुंठी । त्रिपुटे रेखिला लल्लाटी वो ॥
सुरेख सदटा भ्रुकुटी । तेणे सतेज नासापुटी वो ॥२॥
कटी तटी सोनसळा । माजी सुदामिनीचा मेळा वो ॥
सुवास नाभीकमळा । तेणे पडे मधुकर पाळा वो ॥
वामेधरणीबाळा । वनितामंडित ते वेल्हाळा पडे मधुकर पाळा वो ॥
चरणी स्पर्शे शिळा । अहिल्या उद्धरली अवलीळा वो ॥३॥
विशाळ वक्षस्थळी । विराजित उटी पातळी वो ॥
कंठी एकावळी ॥ माजी कौस्तुभमणि झळफळी वो ॥
अधरी प्रवाळपाळी । मध्ये शोभे दंतावळी वो ॥
रसनारस कल्लोळी । वाचा बोलतसे मंजुळी वो ॥४॥
अजानुबाहु सरळ । सुनीळ गगनाहुनि मोकळ वो ।
सुपानीरजस्थळ । देखुनि रवितेजे सोज्वळ वो ॥
मुद्रा फांकती किळा । तेणे सतेज ग्रहमंडळ वो ॥
शरकार्मुकसहमेळे । शोधित असुरा तरुची मुळे वो ॥५॥
चिद्गगनाचा गाभा । तैसी सुनील अंगप्रभा वो ॥
देखुनि चिद्घन शोभा । जैसी कांती चढली नभा वो ॥
रतिनायकवल्लभा । देखुनि सांडी नागरदंभा वो ॥
प्रथमारंभ स्तंभा । भरणभूषित शामल शोभा वो ॥६॥
भरत बिभीषण पृष्ठी । सवितागुण मानस उत्कटी वो ॥
जोडुनि करसंपुटी । ध्यानी मारुतिमानस वेष्टी वो ॥
देखुनि सुखपृष्टी । जाली प्रेमरसाची वृष्टी वो ॥
सुख संतुष्ट परमेष्टी । हरुषे कोंदे सकळा सृष्टी वो ॥७॥
नवपंकज लोचनी । विस्मित करुणामृत सिंचिनी वो ॥
शिवसंकट मोचनी । दुर्धर रजनीचरभंजनी वो ॥
भवभयसंकोचनी । भक्तां निर्भय पद सूचनी वो ॥
रघुकुळउल्हासनी । भोजे विलसत चंद्राननी वो ॥८॥
सुकाळ स्वानंदाचा । यावा अंतरला दुःखाचा वो ॥
जगदुद्धार मातेचा । उत्तीर्ण नव्हे की हे वाचा वो ।
रामदासभेदाचा । तरंग तुटोनि गेला साचा वो ॥९॥

१०७९.
( राग-बिलावल; ताल-त्रिताल )
ऐसे ध्यान समान न दिसे राम निरुपम लीळा ।
सांवळे सुंदर रुप मनोहर शोभति सुमनमाळा ॥ध्रु०॥
मुकुटकिरीटीकुंडलमंडित गंडस्थळावरि शोभा ।
केयुर दंड उदंड विभूषण लावण्याचा गाभा ॥१॥
सरळ कुरळवळ नयनकमळदळ शामला कोमल साजे ।
झळके इंद्रनीळ तळपे रत्नकीळ मुनिजन ध्यानि विराजे ॥२॥
भाळ विशाळ रसाळ विलेपन परिमळ अनिळ विलासी ।
मृगमद केशर धूशर आंगी । हसितवदन सुखराशी ॥३॥
कटतट वेंकट कांसे पीतपट मिरवत उटी सुगंधे ।
रुळत कल्लोळ सुढाळ मालिका डोलति तेणे छंदे ॥४॥
जडित पदक वीर कंकण कंकिणी अंदू नेपुर वाजे ।
सकळ रिपुकुळ निर्मूळ ऐसे वांकी तोडर ब्रीद गाजे ॥५॥
करशरचाप विलाप दानवां काळरुप मनिं मासे ।
दास म्हणे रणकर्कश राम अंतक तोहि त्रासे ॥६॥

Translation - भाषांतर
N/A

References : N/A
Last Updated : 2011-02-10T21:59:03.8000000

Comments | अभिप्राय

Comments written here will be public after appropriate moderation.
Like us on Facebook to send us a private message.

तांदुळ

  • पुअव . १ एक धान्यविशेष ; भात कांडून , साफ करुन काढलेले दाणे . २ हरीक , राळा , वरी , बरटी , सावा , कांग इ० काचे भाताच्या तांदुळाप्रमाणेच तूस काढून साफ केलेले दाणे . ३ उपासाच्या दिवशी फराळाकरिता , ( साळीचे ) तांदूळ तुपावर भाजून नंतर शिजवून करतात तो भात ; सोजी , धान्यफराळ . ४ तांदुळाच्या आकाराचे सोन्याचे मणी . हे ओंवून तांदळीपोत करतात . तांदळीपोत पहा . ( तांदूळ शब्दाचा एकवचनी उपयोग केल्यास एक दाणा असा अर्थ होतो . ) [ सं . तंडुल . ] उकडे , उपजे तांदूळ - पु . ( हेट . ) भात प्रथम उकडून नंतर तयार केलेले तांदूळ . सुरय तांदूळ - पु . ( हेट . ) भात न उकडता कुटून तयार केलेले तांदूळ . 
  • ०गोटा पु. १ ( व्यापक . ) तांदूळ आणि इतर सर्वसामन्य धान्ये . २ तांदुळाचा दाणा . [ तांदूळ + गोटा = दाणा ] 
  • ०धुणी रोवळी - स्त्री . तांदूळ धुण्यासाठी केलेली बांबूची , पितळेची टोपली . 
  • ०मांडा पु. ( बे . ) तांदुळाचे पीठ , दूध व साखर यांची तयार केलेली आंबोळी . तांदुळी हलवा पु . खांडव्याच्या वड्याप्रमाणे पक्वान्न ; तांदुळापासून केलेले एक खाद्य ; तांदूळ भिजत ठेवून चुरुन ते मऊसे शिजल्यावर त्यांत नारळाचे दूध , दालचिनी , खिसमिस घालून ढवळतात व त्याला तुपाचा हात देतात . हे मिश्रण घाटून बरेच जाड झाल्यावर तुपाचा हात लावलेल्या ताटासारख्या पसरट भांड्यांत ते ओततात व थापून त्याचे सुरीने तुकडे करतात . ( असे खाद्य ). - गृशि १ . ४१८ . 
RANDOM WORD

Did you know?

विविध देवदेवतांचे आकार, रंग, रूप ही कल्पना कशी आणि कोणी निर्माण केली?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.