TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|श्री स्वामी समर्थ|विविधविषयपर अभंग|
श्रीसंप्रदाय लक्षणें

विविध विषय - श्रीसंप्रदाय लक्षणें

श्री समर्थांनी दासबोध ग्रंथासोबतच गाथा रचून इतिहास घडविला आहे .


श्रीसंप्रदाय लक्षणें

१३५

प्रथम लिहिणें दुसरें वाचणें । तिसरें सांगणें अर्थांतर ॥१॥

आशंकानिवृत्ति ऐसी चौथी स्थिति । पांचवी प्रचीति अनुभवें ॥२॥

साहावें तें गाणें सातवें नाचणें । ताळी वाजवणें आठवें तें ॥३॥

नवा अर्थभेद दहावा प्रबंध । अकरावा प्रबोध प्रचीतीसीं ॥४॥

बारावें वैराग्य तेरावा विवेक । चौदावा तो लोक राजी राखे ॥५॥

पंध्रावें लक्षण तें राजकारण । सोळावें तें जाण अव्यग्रता ॥६॥

प्रसंग जाणावा हा गुण सत्रावा । काळ समजावा सर्वां ठायीं ॥७॥

अठरावें लक्षण वृत्ति उदासीन । लोलंगता जाण तेथें नाहीं ॥८॥

एकोणिसावें चिन्ह सर्वांसी समान । राखे समाधान ज्याचें त्याचें ॥९॥

विसावें लक्षण रामउपासना । वेध लावी जनां भक्तिरंगें ॥१०॥

भक्तिरंगें देव देवाल्यें शिखरें । ओटे मनोहरें वृंदावनें ॥११॥

बावी पोखरणी रम्य सरोवरें । मंडप विवरें धर्मशाळा ॥१२॥

धर्मशाळा नाना नाना दीपमाळा । तेथें रविकुळा वाखाणावें ॥१३॥

तरुवर पुष्पवाटिका जीवनें । पावनें भुवनें होमशाळा ॥१४॥

उदंड ब्राम्हण ब्रम्हसंतर्पण । पुराणश्रवण आध्यात्मिक ॥१५॥

जन्मासी येऊनी अध्यात्म साधावें । नित्य विवरावें सारासार ॥१६॥

असार संसार येणें साधे सार । पाविजेतो पार भवसिंधु ॥१७॥

आयुष्य हें थोडें फार आटाआटी । कठीण सेवटीं वृद्धपण ॥१८॥

एकलेंचि यावें एकलेंचि जावें । मध्येंचि स्वभावें मायाजाळ ॥१९॥

मायाजाळ तुटे तरी देव भेटे । दास ह्मणे खोटें भक्तिहीण ॥२०॥

Translation - भाषांतर
N/A

References : N/A
Last Updated : 2010-12-22T04:36:49.6300000

Comments | अभिप्राय

Comments written here will be public after appropriate moderation.
Like us on Facebook to send us a private message.

splice bar

  • स्त्री. जोडपट्टी 
  • also splice piece 
RANDOM WORD

Did you know?

मृत व्यक्तीच्या तेराव्याचा विधी काय असतो? त्या दिवसाचे महत्व काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site