जय देव जय देव जय स्वामीराजा महामातृभक्ता ।
ओवाळिता तुम्हा सौख्य , शांति चित्ता ॥धृ॥
साध्वी माता अपुली वैधव्ये पिडली ।
पुत्र पुत्र करिता अति कष्टी झाली ॥
विधवा जाया , कैसा प्रसविल पुत्राला ? ।
अनन्यभावे जाई शरण मुनिवर सिद्धाला ॥
शनिवृक्षाखाली पडले , गिळले नक्षत्र ।
सिद्धकृपेने झाली माता , पावन तुम्ही पुत्र ॥२॥
झाली छळणा ज्ञानेशापरी , उपयनयना पोटी ।
उफाळलेली सरीता केली पार तयासाठी ॥
ब्रम्हनाळचे आनंदमूर्ति , नमुनि वदले उद्गार ।
अजन्मा तुम्ही , जन्मा आले करण्या उद्धार ॥३॥
आषाढ आणि अश्विन मासी येति बिडेश भेटाया ।
देवघर्यांच्या कुळास स्रामी तुम्हीच रक्षाया ।
स्वये घेतली तुम्ही समाधि प्रभुजवळी वास ।
नक्षत्रस्वामींची व्हावी सेवा ही अमुचि आंस ॥४॥