TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
संस्कृत सूची|शास्त्रः|ज्योतिष शास्त्रः|वराहमिहीरस्य बृहत्संहिताः|
अध्याय ७७

बृहत्संहिताः - अध्याय ७७

’बृहत्संहिता’ ग्रंथात वास्तुविद्या, भवन निर्माण कला, वायुमंडळाची रचना, वृक्ष आयुर्वेद इ. विषय अंतर्भूत आहेत.


स्त्रीपुंससमायोगाध्यायः

शस्त्रेन वेणीविनिगूहितेन विदूरथं स्वा महिषी जघान । विषप्रदिग्धेन च नूपुरेण देवी विरक्ता किल काशिराजम् ॥१॥

एवं विरक्ता जनयन्ति दोषान् प्राणच्छिदोऽन्यैः अनुकीर्तितैः किम् । रक्ताविरक्ताः पुरुषैः अतोऽर्थात् परीक्षितव्याः प्रमदाः प्रयत्नात् ॥२॥

स्नेहं मनोभवकृतं कथयन्ति भावा नाभीभुजस्तनविभूषणदर्शनानि । वस्त्राभिसंयमनकेशविमोक्षणानि भ्रूक्षेपकंपितकटाक्षनिरीक्षणानि ॥३॥

उच्चैः ष्ठीवनमुत्कटप्रहसितं शय्यासनोत्सर्पणं गात्रास्फोटनजृंभणानि सुलभद्रव्याल्पसंप्रार्थना । बालालिंगनचुंबनानि अभिमुखे सख्याः समालोकनं दृक्पातश्च परान्मुखे गुणकथा कर्णस्य कण्डूयनम् ॥४॥

इमां च विन्द्यादनुरक्तचेष्टां प्रियाणि वक्ति स्वधनं ददाति । विलोक्य संहृष्यति वीतरोषा प्रमार्ष्टि दोषान् गुणकीर्तनेन ॥५॥

तन्मित्रपूजा तदरिद्विषत्वं कृतस्मृतिः प्रोषितदौर्मनस्यम् । स्तनौष्ठदानानि उपगूहनं च । स्वेदोऽथ चुंबाप्रथमाभियोगः ॥६॥

विरक्तचेष्टा भ्रुकुटी ( भृकुटी) मुखत्वं परान्मुखत्वं कृतविस्मृतिश्च । असंभ्रमो दुष्परितोषता च तद्द्विष्टमैत्री परुषं च वाक्यम् ॥७॥

स्पृष्ट्वा अथवालोक्य धुनोति गात्रं करोति गर्वं न रुणद्धि यान्तम् । चुंबाविरामे वदनं प्रमार्ष्टि पश्चात् समुत्तिष्ठति पूर्वसुप्ता ॥८॥

भिक्षुणिका प्रव्रजिता दासी धात्री कुमारिका रजिका । मालाकारी दुष्टांगना सखी नापिती दूत्यः ॥९॥

कुलजनविनाशहेतुः दूत्यो यस्मादतः प्रयत्नेन । ताभ्यः स्त्रियोऽभिरक्ष्या वंशयशोमानवृद्ध्यर्थम् ॥११०॥

रात्रीविहारजागररोगव्यपदेशपरगृहेक्षणिकाः । व्यसनौत्सवाश्च संकेतहेतवः तेषु रक्ष्याश्च ॥११॥

आदौ नैच्छति नौज्झति स्मरकथां व्रीडाविमिश्रालसा मध्ये ह्रीपरिवर्जिताभ्युपरमे लज्जाविनम्रानना । भावैः नैकविधैः करोत्यभिनयं भूयश्च या सादरा बुद्ध्वा पुंप्रकृतिं च यानुचरति ग्लानेतरैश्चेष्टितैः ॥१२॥

स्त्रीणां गुणा यौवनरूपवेष- दाक्षिण्यविज्ञानविलासपूर्वाः । स्त्री रत्नसंज्ञा च गुणान्वितासु स्त्रीव्याधयोऽन्याश्चतुरस्य पुंसः ॥१३॥

न ग्राम्यवर्णैः मलदिग्धकाया निन्द्यांगसंबन्धिकथां च कुर्यात् । न चान्यकार्यस्मरणं रहःस्था मनो हि मूलं हरदग्धमूर्तेः ॥१४॥

श्वासं मनुष्येण समं त्यजन्ती बाहूपधानस्तनदानदक्षा । सुगन्धकेशा सुसमीपरागा सुप्तेऽनुसुप्ता प्रथमं विबुद्धा ॥१५॥

दुष्टस्वभावाः परिवर्जनीया विमर्दकालेषु च न क्षमा याः । यासामसृग्वासितनीलपीतमाताम्रवर्णं च न ताः प्रशस्ताः ॥१६॥

या स्वप्नशीला बहुरक्तपित्ता प्रवाहिनी वातकफातिरक्ता ( अतिरिक्ता) । महाशना स्वेदयुतांगदुष्ठा या ह्रस्वकेशी पलितान्विता वा ( च) ॥१७॥

मांसानि यस्याश्च चलन्ति नार्या महोदरा खिक्खिमिनी च या स्यात् ॥॥स्त्रीलक्षणे याः कथिताश्च पापाः ताभिः न कुर्यात् सह कामधर्मम् ॥१८॥

शशशोणितसंकाशं लाक्षारससन्निकाशमथवा यत् । प्रक्षालितं विरज्यति यगासृक् तद्भवेत्शुद्धम् ॥१९॥

यच्छब्दवेदनावर्जितं त्र्यहात् सन्निवर्तते रक्तम् । तत्पुरुषसंप्रयोगादविचारं गर्भतां याति ॥२०॥

न दिनत्रयं निषेव्यं ( निषेवेत्) स्नानं माल्यानुलेपनं स्त्रीभिः ( च स्त्री) । स्नायागतुर्थदिवसे शास्त्रौक्तेनौपदेशेन ॥२१॥

पुष्यस्नानौषधयो याः कथिताः ताभिः अंबुमिश्राभिः । स्नायात् तथात्र मन्त्रः स एव यः तत्र निर्दिष्टः ॥२२॥

युग्मासु किल मनुष्या निशासु नार्यो भवन्ति विषमासु । दीर्घायुषः सुरूपाः सुखिनश्च विकृष्टयुग्मासु ॥२३॥

दक्षिणपार्श्वे पुरुषो वामे नारी यमावुभयसंस्थौ ॥॥यदुदरमध्यौपगतं नपुंसकं तन्निबोद्धव्यम् ॥२४॥

केन्द्रत्रिकोणेषु शुभस्थितेषु लग्ने शशांके च शुभैः समेते । पापैः त्रिलाभारिगतैश्च यायात् पुंजन्मयोगेषु च संप्रयोगम् ॥२५॥

न नखदशनविक्षतानि कुर्याद् ऋतुसमये पुरुषः स्त्रियाः कथंचित् । ऋतुः अपि दश षट् च वासराणि प्रथमनिशात्रितयं न तत्र गम्यम् ॥२६॥

Translation - भाषांतर
N/A

References : N/A
Last Updated : 2012-01-16T20:51:35.6270000

Comments | अभिप्राय

Comments written here will be public after appropriate moderation.
Like us on Facebook to send us a private message.

standard coin

  • मानक नाणे 
  • (a coin having an intrinsic value equal to its face value) 
  • मानक सिक्का 
  • (a coin having an intrinsic value equal to its face value) मानक नाणे 
More meanings
RANDOM WORD

Did you know?

lagn lagat astana navarichi aai tulshila pani ghalte..te kashasathi..??? tya magcha udeshshy kay asto..?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site