वृषस्थे धनवृद्धि: स्यान्मिथुने मरणं भवेत। कर्कटे शुभदं प्रोक्तं सिंहे भृत्यविवर्द्धनम ॥२१॥
कन्यारोगं तुला सौख्यं वृश्चिके धनधान्यकम। कार्मुके च महाहानिर्मकरे स्याद्धनागम: ॥२२॥
कुम्भे तु रत्नलाभ: स्यान्मीने स्वप्नं भयावहम। चापमी ननृयुक्कन्या मासा दोषावहा: स्मृता: ॥२३॥
ज्येष्ठोर्ज्जमाघसिंहाख्या: सौरमाने तु शोभना:। मासे तपस्ये तपसि माधवे नभसि त्विषे ॥२४॥
उर्ज्जे च गृहनिर्माणं पुत्रपौत्र धनप्रदम। विषिद्वेष्वपि कालेषु स्वानुकूले शुभे दिने ॥२५॥
तृणदारुगृहारंभे मासदोषे न विद्यते। पाषाणेष्ट्यदिगेहानि निद्यमासे न कारयत ॥२६॥
निन्द्यमासेऽपि चन्द्रस्य मासेन शुभदं गृहम। गोचराष्टकवर्गाभ्यां वामवेधं विचियन्तेत ॥२७॥
दशान्तरदशदीनां विचारश्चात्र कर्मणि। गुरुशुक्रबले विप्रान्सूर्यभूजयोस्तथा ॥२८॥
शशीसौम्यबले सौरे वर्णानुक्रमपूर्वश:। गृहारम्भं प्रकुर्वीत वर्णनाथबले सति ॥२९॥
सर्वेषामपि वर्णानां सूर्यचंद्रबलं स्मृतम। विषमस्थे रवौ स्वामी पीड्यते गृहिणी विधौ ॥३०॥
शुक्रेण पीड्यते लक्ष्मीर्जीवने सुख संपदा:। बुधेन पुत्रपौत्रश्च भौमेन भ्रातृबांधवा: ॥३१॥
सौरेण दासवर्गाश्च पीड्यन्ते नात्र संशय: विशेषेण तु सूर्यस्य बले प्रोक्तं गृहं बुधै: ॥३२॥
सर्वेषामपि वर्णानां रविशुद्धिर्विधीयते। दशापतौ हीनबले वरनाथे तथैव च ॥३३॥
पीडिततर्क्षगेत सूर्ये न विदध्यात्कदाचन। प्रथमे कोष्ठरोगं च द्वितीये चार्थनाशनम ॥३४॥
तृतीये धनलाभं च चतुर्थे भयदो रवि:॥पञ्चमे पुत्रनाशाय शत्रुनाशाय शत्रुगे ॥३५॥
स्त्रीकष्टं सप्तये सूर्ये मृत्यश्चाष्टमगेहगे। नवमे धर्मनाशाय दशमे कर्मसंयुति: ॥३६॥
एकादशे भवेल्लक्ष्मीद्वादशे च धनक्षय: पुत्रे द्वितीये द्यूने च धर्मे मध्यबलो रवि: ॥३७॥
द्वितीयपुत्रांगतो विश्वाहात्परत: शुभ:। अस्तगा नीचराशिस्था: परराशौ परैर्जिता: ॥३८॥
वृद्धस्थ बालभावस्था वक्रगाश्चातिचारगा:। रिपुदृष्टिवशं याता उल्कापातेन दूषिता: ॥३९॥
न फलन्ति ग्रहा गेहप्रारंभे तानप्रपूजयेत। स्वामिहस्तप्रमाणेन ज्येष्ठपत्नीकरेण च ॥४०॥