TransLiteral Foundation

श्रीज्ञानदेवतेहत्तिशी - अभंग ३३

"श्रीज्ञानदेवतेहत्तिशी" या पुस्तकात श्रीज्ञानेश्वरांनी तेहतीस अभंगांतून जगाला अध्यात्मज्ञान दिले.


अभंग ३३

वैरवरी स्वयंभी सांपडले । परेचे पाठीरी पेरिले ।

पश्यंती ज्ञान वाफा आले । मध्यमी पिकले ज्ञानदेवी ॥३॥

टिकाः

निशःद्ब ते शब्द आले । ज्ञानराजें कवतुक केलें । इये ज्ञानगगनी पेरिलें । गुरुनाथें ॥१॥

नाभिमाझारी वाफा आले । तेचे हृदयी परिपुर्ण पिकलें । समाधान गोडीया आलें । जीवन कळीं ॥२॥

तेचि ज्ञानराजा लाधलें । वैखरीं स्वयंभ सांपडले । जगतांकारणें लुटिलें । उदारपणें ॥३॥

तेथ नाहीं आनपरी । म्हणोनियां जालो भिकारी । "स्वानंद" टीका प्रगट अंतरी । दासरामी ॥४॥

हनुमतसदगुरुकृपापुर्ण । ज्ञानेश्वरे वदविलें आपण । "स्वानंद" ठीका हे गहन । आपुलिया ग्रंथावरीं ॥५॥

ज्ञानदेव तेहत्तिशीवर । टीका करणेचा अधिकार । माझा काय मी पामर । दासानुदास ॥६॥

परि हे ज्ञानाईनें केलें । म्हणोनियाच घडो आले । आपणचि वदविले । सत्यसत्य ॥७॥

मति प्रकाशनि ठेले । अंतःकरणीं विवरण जालें । तेचि मुखावाटें आलें । नवलपरी ॥८॥

नवलचि जालें मोठें । माझें मज आश्चर्य वाटे । ज्ञानराज ज्ञान प्रगटे । हृदयातु ॥९॥

रेडियामुखें जेणे वेद । वदविला हे प्रसिद्ध । तेणें बोलविला मतिमंद । हेचि सत्य ॥१०॥

ऐसी सांप्रदायिका सेवा । करोनि घेतली ज्ञानदेवा । आपुल्या घरचा प्रसादमेवा । संतजनीं वाटतो ॥११॥

आतां द्यावा जी आनंद । वोरसोनि प्रेमे अगाध । बांधोनियां निजबोध । कृपा करी ॥१२॥

सकळ तुम्हीं संतसिद्ध । बालक द्या आशिर्वाद । दास करा जरी मी मंद । आपुलें बरीचा ॥१३॥

दास म्हणवितो जगीं । परी आपण या प्रसंगी । दास म्हणोनि मज उगी । कोड पुरवा ॥१४॥

संतीं केला दासनुदास । जाला प्रेमाचा कळस । काय त्यांच्या थोरपणास वानावें जीं ॥१५॥

मोल नाहीं दातृत्वपणा । ज्ञानराज सिद्धराणा । म्हणोनि दासराम चरणां । लोलिगला ॥१६॥

धन्य भगवान हनुमंत । पठीराखे सदगुरु समर्थ । "सानंद " ठीका हे निभ्रांत म्हणोनि जाली ॥१७॥

बोलविले अकळ बोला । हाचि मज अनुभव दिला । ज्ञानराज प्रेमें वोळला । पायीं जडला दासराम ॥१८॥

हनुमंत सदगुरु समर्थ । दासराम पायीं निवांत । "सानंद" टीका समर्पित । हृदयातु ॥१९॥

श्रीज्ञानेश्वरी पारायणी । तीर्थरुप गोविंदराया लागुनी । श्रीज्ञानेश्वर दिसले नयनीं । काय सांगो ॥२०॥

श्रेहनुमत्सदगुरु आज्ञेकरुन । सांगली स्वगृहीं नित्य किर्तन । शके अठराशे पंचेचाळीसापासुन । अखंडित पितयांनी चालविलें ॥२१॥

ऐसे हे गुरुभक्त पिता । सौभाग्यसंपन्न इंदिरा माता । लाभले म्हणोनि हनुमंता । भेटी माते ॥२२॥

मातापितयांची आज्ञा घेऊन । श्रीहनुमंतसदगुरुकृपेकरुन । "सानंद" टीका ग्रंथलेखन । अक्षरीं आलें ॥२३॥

गंगोदक मंगेसी अर्पावें । तयेपरीच हें जालें आघवे । नवल हे नवलावें । हनुमंतें केलें ॥२४॥

ग्रंथरचना निश्चयेसी । पौष शुद्ध सप्तमीसी । शके अठराशे पासष्टीसी । संपुर्ण जाली ॥२५॥

"सानंद" टीका समपोनि । रघुनाथचरणा लागोनि । गुरुपरंपरेसी वंदोनि । समाधानी राहिलो ॥२६॥

"सानंद" टीकेसहित । ज्ञानदेवतेहत्तिशी ग्रंथ । जाला समाप्त जी जेथ । ज्ञानेशकृपें ॥२७॥

॥ इति श्रीसटीकज्ञानदेवतेहत्तिशी संपुर्ण ॥

Translation - भाषांतर
N/A

References : N/A
Last Updated : 2010-10-15T15:02:52.8030000

Comments | अभिप्राय

Comments written here will be public after appropriate moderation.
Like us on Facebook to send us a private message.

धोलके

  • न. ( गो . ) ढोलके ; लहान ढोल . 
RANDOM WORD

Did you know?

Sarva namaskar havet.
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site