नवाचे माझारी । औटपीठकळसावरी ।
गजें सोहं नाद मोहरी । स्वरुपधेनु पहावया ॥२४॥
टीकाः
चिणितिपासोनियां भेरी । ऐशा उठती नादलहरी । नवनादाचिया उपरि । औटपीठ ॥१॥
औटपीठकळसावरी । पहातां ते अतिकुसरी । नवल तेजाचिया परी ।वर्णवेना ॥२॥
जीवनरस स्थिरावला । ऐसा कळस पहाला । महाशुन्यातु उजाला । तेजोरुप ॥३॥
म्हणोनि औटपीठकळसावरी । म्हणिजे सहस्त्रदळामाझारी । गंर्ज सोहम; नाद भारी । सोहस्वरुप पहावया ॥४॥
त्रिपदा तेचि गायत्री । सोहं स्वरुपिणी साचारी । देखावयां चिन्मयनेत्री । नेत्र कैचीं उन्मीलत ॥५॥
म्हणोनि ते स्वरुपधेनु । गायनतंत्री करी गानु । सोहंनादगजर घनु । कोंदाटला ॥६॥
सोहंतत्वीम चिदाकाश । तेणोंचि महानादघोष । येथ जें अधिष्ठान अवकाश । चिदमुल ते ॥७॥
सोहतंत्व जें पहाले । गुरुकृपेंचि आकळें । नामीं स्वरुप बिंबलें । प्रत्यक्षचि ॥८॥
नामरुप दोनी एक । प्रत्यय ह येथ चोख । नवलाचे नवल देख । सकळाहोनि ॥९॥
पहातां हें सम्यकुज्ञान जेथ नुरेचि विज्ञान । सगुण निर्गुण आटोन । गेलें जेथ ॥१०॥
ऐसें सोहंतत्वरुप । पुर्ण ब्रह्मा निर्विकल्प । तेचि स्वतंत्रता अपाप सदगुरुराजें दिधलीसे ॥११॥