TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

श्रीभानुदासांचे अभंग - रामनाममहिमा

श्रीसंतएकनाथ महाराजांची गाथा म्हणजे श्री कृष्णाच्या अवताराचे मनोवेधक वर्णन.


रामनाममहिमा

४३

श्रीराम आम्हां सोयरा सांगाती । नाहीं पुनरवृत्ति जन्म कर्म ॥१॥

तुटती यातना देहाचा संबध । श्रीराम बोध ठसतां जीवीं ॥२॥

वेरझार खुटली वासना तुटली । वॄत्ती हे जडली श्रीरामपायीं ॥३॥

भानुदास म्हणे कुळींचे दैवत । श्रीराम समर्थ अयोध्येचा ॥४॥

४४

भवसिंधू तरावया सोपें हे वर्म । मुखीं तो श्रीराम जप सदा ॥१॥

यमाची यातना न घडे बंधन । तुटेल हें जाणा कर्माकर्म ॥२॥

योग याग तपें घडती तीर्थाटन । मुखीं गातां नारायण जोडे सर्व ॥३॥

भानुदास म्हणे कलिमाजी सोपें । नामस्मरण जपे श्रीविठ्ठलाचें ॥४॥

४५

बैसोनी अनुष्ठान रामनाम ध्यान । यापारि साधन नेणें कांहीं ॥१॥

एकविध भाव दृढता हें मन । यापरि साधन आन नाहीं ॥२॥

परद्रव्य परदारेचा विटाळ । यावीण निर्मळ तप नाहीं ॥३॥

भानुदास म्हणे रामनाम गुढी । लावली चोखडी कलियुगी ॥४॥

४६

पशुपक्षी श्वापद कीटक भ्रमर । रामनामें उद्धार एकचि होय ॥१॥

म्हणोनियां करा नामाचें चिंतन । तुटेल बंधन यमपाश ॥२॥

सोपें वर्म तुम्हां सांगितलें गुज । भानुदास निज जप करी ॥३॥

४७

शरणागत जाहलिया उपेक्षीना देव । हा आहे अनुभव माझे देहीं ॥१॥

हो का राव रंक कुळ यातिहीन । करतां नामस्मरण न वंची देव ॥२॥

भानुदास म्हणे स्मरा त्या रामासी । चुकेल चौर्‍यांयंशी वेरझार ॥३॥

४८

कल्पना अविद्या सांदोनिया । गोडी रामनाम जोडी करी बापा ॥१॥

येर ते मायीक नको पडूं छंदा । आठवीं गोविंदा एकपणें ॥२॥

द्वैताची ते वाढ़ी छेदूनियां काढी । नामाची तुं गुढ़ी उभवीं सदा ॥३॥

भानुदास म्हणे सांडोनी कल्पना । चिंतीं तूं चरणा विठोबाच्या ॥४॥

Translation - भाषांतर
N/A

References : N/A
Last Updated : 2011-09-19T11:35:13.5130000

Comments | अभिप्राय

Comments written here will be public after appropriate moderation.
Like us on Facebook to send us a private message.

dizygotic twins

  • न./अ.व. द्विबीज जुळी 
RANDOM WORD

Did you know?

सुतकात वर्ज्य कार्ये कोणती? गोड सुतक म्हणजे काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.